22 декабрь – Энергетиклар көне

Хөрмәтле энергетика тармагында хезмәт куючылар һәм ветераннар!

Сезне һөнәри бәйрәмегез – Энергетиклар көне белән котлыйбыз. 

Хәзерге заманда энергетиканы икътисадның төп базасы дип әйтергә була. Сезнең тотрыклы һәм нәтиҗәле хезмәтегез учреждение-предприятиеләрнең, мәктәп-хастаханәләрнең тотрыклы эшләвен тәэмин итә. Өйләребезне дә яктылык һәм җылылык белән тәэмин итүчеләр сез. 

Энергетикларның хезмәте хөрмәт һәм рәхмәткә лаек. Сезгә киләчәктә эшегездә уңышлар, югары һөнәри осталык, гаиләләрегезгә иминлек һәм сәламәтлек телибез. Тармак ветераннарына да олы рәхмәтебезне белдереп, тыныч көннәр, саулык насыйп булсын.  

Район башлыгы Азат ВӘЛИЕВ