Сез булганга ямь бар җирдә

Хөрмәтле гүзәл затларыбыз! Сезне 8 Март бәйрәме белән ихластан тәбрик итәм.

Хатын-кыз – ул тулы бер дөнья: аның күңеленә мәхәббәт тә, гүзәллек тә, йомшаклык та, иң көчле Ана хисләре дә, гаилә учагы җылысы да сыйган. 

Бүген күп хатын-кызлар актив тормыш алып бара. Алар балалар үстерәләр, йорт-җирләрен тәртиптә тоталар, аны якты һәм җылы итәргә тырышалар, карьера да ясыйлар. Шул ук вакытта үзләренең матурлыкларын да саклый беләләр. 
Сезнең тормышыгыз яхшылык, яктылык, мәхәббәт, якыннарыгызның күңел җылысы һәм игътибары белән тулып торсын. Сәламәт булыгыз, шатлык-сөенечләрегез күп булсын! Бәйрәм белән сезне! 

Район башлыгы Азат ВӘЛИЕВ.