1-3 кисәк кәбестә, 5-7 кыяр, 3-5 помидор, төрле төстәге 2 татлы борыч, 5-7 кисәк яшь ташкабак, 1 әче борыч, 3-5 төш сарымсак, 1-2 зонтик укроп, 1-3 лавр яфрагы.

1 литр маринад ясау өчен:

1,5 аш кашыгы тоз, 2 аш кашыгы шикәр комы, 3 аш кашыгы 9 процентлы аш серкәсе.

Кыярларның баш-башын кисәбез, борычның эчен әрчибез, помидорны тишәбез. Шушы яшелчәләрне һәм 1-3 кисәк кәбестә, боҗралап киселгән ташкабакны, әче борычны банкага тутырабыз. Өстенә кайнап чыккан маринадны коеп, банкаларны сулы кәстрүлгә утыртып 15 минут стерильләштереп алабыз һәм капкачлыйбыз.