Фаршлы пирог пешерәбез

Камыр өчен: 1 стакан он, 1 стакан кефир, 2 йомырка, 0,5 чәй калагы тоз, 1 чәй калагы сылама сода. 

Эчлек: 300 грамм фарш, шакмаклап туралган 2-3 данә суган, тәменчә тоз, борыч. 

Әзерлибез: кефирга сода салып 5 минутка калдырабыз. Соңыннан барлык ингредиентларны салып яхшылап болгатабыз. Фаршны суган һәм башка тәмләткечләр белән болгатабыз. Табаны майлыйбыз һәм шуңа камырның яртысын агызабыз. Фаршны салабыз. Өстенә калган камырны агызабыз. 

Духовканы алдан кабызып куябыз. 170 градуста 40 минут тирәсе пешерәбез. Тәмле булсын!