Фольганың кайсы ягына төрү дөрес?

Хуҗабикәләр арасында аның бер ягы азыкка начар матдәләр бүлеп чыгара дигән фикер йөри.

Фольга ике яклы була. Аның бер ягы тонык, ә икенче ягы ялтырап тора. Азыкны пешергәндә кайсы ягына куярга соң?

Фольганың ялтырау-ялтырамавы ясау технологиясенә бәйле. Ул станок аша чыга. Роликка тиеп торган ягы ялтырый, ә икенче ягы тонык кала. Белгечләр фикеренчә, азыкны кайсы ягына куеп пешерүнең бернинди аермасы юк. Шулай да ялтырап торган ягы җылы саклый, ә тоныгы, киресенчә, җылыны үзенә тарта. Шунлыктан ялтыравык ягына салып төргәндә, азык тизрәк пешәргә тиеш. Моның тагын бер өстенлеге бар: шома, ялтыравык ягына азык ябышмый. Ябышмасын өчен фольганы үсемлек мае белән майларга да була.

Чыганак