Иске Эсләктә яшәүче Лена ханым Сафиуллинадан коймак рецепты

• Эштән төшке ашка кайттым да, суыткычта ниләр бар шуларны салып, коймак кабартырга куйдым. Сез дә пешереп карагыз әле, бик тәмле, – диде ул телефоннан.

Камыр өчен 4 йомырка, 20 грамм чүпрә, 0,5 литр сөт, 0,5 лит су, 4 аш кашыгы чистартылган көнбагыш мае, 2 стакан он кирәк. Берәр сәгать камырны кабартканнан соң, Лена ханым коймакларны газ плитәсе өстендә аз гына пешереп ала икән. Аннан табаны духовкага тыга.