Хуҗабикәләргә: бик җиңел рецепт буенча камыр ризыгы әзерлибез

Кирәкле әйберләр:

4 стакан он (күбрәк тә булырга мөмкин),

2 аш кашыгы шикәр комы,

0,5 чәй калагы сода,

2 аш кашыгы көнбагыш мае,

500 мл сөт (азрак җылытырга кирәк),

11 грамм коры чүпрә.

Әзерләү:

1нче этап: бөтен ингредиентларны бертөрле масса барлыкка килгәнче болгатабыз. Килеп чыккан массаны пакетка салып 2 сәгатькә суыткычка куябыз.

2нче этап: ике сәгатьтән суыткычтан камырны алып пирожки ясыйбыз. Эчлеккә нәрсә салсагыз да була.

Камыр бик йомшак була, кулга ябышмый. Камырдан пицца, төрле пироглар да әзерләргә була.