Тәмле кетчуп рецепты

3 кило помидордан ясау өчен: 50 грамм шикәр комы, 25 грамм тоз, 50 мл 9 процентлы уксус, 15әр данә канәфер, бөртекле кара борыч, хуш исле борыч, 3 төш сарымсак, бер чеметем корица, шулай ук төелгән кызыл борыч кирәк. 

Помидорны кисәкләргә бүлгәләгәннән соң өстенә барлык тәмләткечләрне салабыз һәм 1,5 сәгать кайнатабыз. Аннан өлешләп дуршлаг аша чыгарабыз. Савыт өстен япмыйча гына тагын бер сәгатьләп кайнатабыз. Бу куерак булсын өчен кирәк. Куерту өчен пешергәндә 2-3 алма өстәргә дә була.