Тел йотарлык тәмле "греческий" кабак әзерләү рецепты

Бакча тулы кабак тәгәрәшеп ята. Күңелегезгә ошаганын сайлап алыгыз да, грекларча кабак пешереп ашагыз әле.

Кирәк булачак: 400 г кабак, тырнак сарымсак, 1 чәй кашыгы томат пастасы, 1 чәй кашыгы кипкән базилик, 1 аш кашыгы зәйтүн мае, 2 аш кашыгы су, тәменчә тоз һәм борыч.

Кабакның кабыгын чистартабыз да шакмаклап турыйбыз. Зәйтүн мае салып, табада 5-7 минут кыздырабыз. Тоз, борыч һәм базиликны өстибез дә бераз кызыдырып алабыз. Томат пастасын, изелгән сарымсакны кушып, бераз су өстибез. Өстенә фольга каплап, 180 градуска кадәр җылытылган пичтә 25-30 минут пешерәбез. Әзер булгач, ит яки балык кәтлите белән табынга бирәбез.

Ашларыгыз тәмле булсын!

Фото: http://pixabay.com

Тулырак