Әгерҗедән оста бакчачы Халидә Гобәевадан витаминлы чәй ясау сере

Районыбызда оста бакчачы булып танылган Халидә апа ГОБӘЕВА "Әгерҗе хәбәрләре" газетасы укучылары белән витаминлы чәй ясау сере белән уртаклашты.

Киптерелгән карлыган яфрагы, роза чәчәге, бөтнек, бакча җиләгенең чистартканнан калган өлеше, гөлҗимеш, кабакның барысын бергә кушып стаканга саласың да кайнап торган су коясың. Шуңа бер чәй кашыгы шикәр комы салып өстен каплап биш минут пешерәсең.

- Әлеге хуш исле кып-кызыл чәй кан басымына, иммунитетны ныгытуга, күз күремен яхшыртуга бик файдалы, – ди Халидә апа.