Атна уртасында Татарстанда җепшек кар яварга мөмкин

Атна уртасында Татарстанда һава шартлары сизелерлек үзгәрәчәк - атмосфера фронтлары республикага явым-төшем алып килә, һава температурасы тагын да түбәнәя. Бу турыда Татарстан Гидрометеорология үзәге тараткан фараздан билгеле булды.

Чәршәмбе һәм пәнҗешәмбе, 16 һәм 17 октябрьдә, «синоптик вазгыять үзгәрә». Республика акрынлап, көнбатыш районнардан башлап, Россиянең Европа өлешендәге үзәк районнардан күчеп килгән яңгырлы һәм җепшек карлы атмосфера фронтлары хакимлек итәчәк. Чәршәмбе көнне Татарстанның көнбатыш өлешендә зур булмаган явым-төшем булырга мөмкин, әмма пәнҗешәмбе көнне Татарстанның күпчелек территориясендә явым-төшем фаразлана.

Төнлә һава температурасы 0..-5 градус көтелә. 16 октябрьдә төбәкнең көньягында һәм көнчыгышында урыны белән һава температурасы -9 градуска кадәр төшә. 16 һәм 17 октябрьдә көнбатышта төнлә 0..+3 градуска кадәр җылы көтелә. Көндез һава температурасы +3..+9 градуска кадәр җылына.

Метеорологларның якынча мәгълүматлары буенча, җомга һәм шимбә, 18 һәм 19 октябрьдә, Татарстан көнбатыш антициклоны йогынтысында була. Атмосфера басымының артуы аязуга һәм явым-төшемнәрнең тукталуына китерә. Төнлә һава температурасы 0..-5 градус һәм көндез +4 дән +9 градус фаразлана.