Бүген Татарстанда кыска вакытлы яңгырлар көтелә

Бүген, 12 июльдә, Татарстан циклонның арткы өлешендә булачак. Республика территориясендә һава температурасы төшәчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Республикада алмашынучан болытлы һава торышы сакланачак. Урыны белән, башлыча Татарстан Республикасының көнчыгышында, кыска вакытлы яңгырлар һәм яшенле яңгырлар булыр дип фаразлана. Урыны белән боз яварга мөмкин.

Төньяк җилнең тизлеге 7-12 м/с, кайбер урыннарда 15-20 м/с кадәр көчәячәк (Казанда 15-18 м/с).

Көндез һава температурасы +21...+26 градуска кадәр җылыначак (республика башкаласында +23...+25 градуска кадәр).

Чыганак