Волейбол ярышларының җиңүчеләре

Түбән Кама агросәнәгать көллиятенең Әгерҗе филиалында бертуган Рафил, Марсель, Инсаф Закировлар әтиләре Расим Гафи улы истәлегенә спорт ярышлары уздырдылар.

Волейбол ярышларына старт иртәнге сәгать 9да бирелгән иде. Ул кичке сәгать 7гә кадәр дәвам итте. 

Хәлиткеч бәйгедә дүртенче урынны Әгерҗе командасы алды. Өченчедә - Тирсә авылының тәҗрибәле уенчылары һәм яшьләрнең берләштерелгән командасы.

Икенчедә – көллият студентлары. Беренче урынны “Ак Барс страхование” командасы яулады. Пьедесталга күтәрелүчеләргә Дипломнар, медальләр, акчалата бүләкләр тапшырылды. Җиөүче команда Кубокка да ия булды. 

Төрле номинацияләрдә Тирсәдән Илнар Гыйззәтуллин, Алмаз Кәримов, училищедан Кирилл Росляков бүләкләнделәр.