Әгерҗе хәбәрләре
  • Рус Тат
  • Кадыбаш механизаторы утызынчы сезон чәчү кампаниясендә катнашырга әзерләнә

    “Кадыбаш“ бүлекчәсендәге машина-трактор паркына куелган техника бүген басу-кырларга чыгып китәргә әзер. Техника да, чәчү һәм тагылма агрегатлар да төзекләндереп беткән.  

    Дөрес, күп кенә тракорлар да, йөк машиналары да иске. Алар узган гасырның туксанынчы елларыннан бирле хезмәт күрсәтәләр. Әмма нишлисең, шуларны төзекләндереп, кирәк икән «ямап» булса да тырышалар инде авыл агайлары. Әнә, Ринат Якупов та утызынчы тапкыр чәчү кампаниясендә катнашырга әзерләнә быел. Тракторы да ул эшли башлаган елларда ук кайткан булган.

    Ел әйләнәсе шушы тимер атымда эшлим. Бөртеклеләрне чәчкәч, печән хәзерләү, урып-җыю чорында салам кысу башлана. Басуда эш берсе артыннан икенчесе ялганып кына тора, ди ул. – Техника гына сынатмасын. Шуңа күрә җаваплы чорга кадәр мин аны, кем әйтмешли, ялап куям. Чәчкечне ремонтлап бетердек инде. Бу көннәрдә тракторны төзекләндерәм, – ди авыл уңганы.

    Аның кебек дистәләгән механизатор ал-ялны белми ремонт эшендә бүген. Хезмәт хакы буенча тоткарлык булса да, зарлануны белми авыл кешесе. Кендеге җиргә береккән Кадыбаш механизаторлары «җирне буш калдырып булмый. Безнең алда 2800 гектар мәйданга язгы культуралар чәчү бурычы тора», диләр.

    Нравится
    Поделиться:
    Реклама
    Комментарии (0)
    Осталось символов: