Тирсәдә – яңа авыл башлыгы

Тирсә авыл җирлеге Советының чираттан тыш утырышы уздырылды. 

Авыл җирлеге белән җитәкчелек иткән Рафил Закиров депутатларга үз вәкаләтләрен вакытыннан алда туктату үтенече белән чыкты. Аның үтенече канәгатьләндерелде.

Депутатлар тавыш бирү юлы белән яңа башлык сайладылар. Ул – Тирсә авыл җирлегенең 3нче сайлау округы депутаты Илнар Бәгъзанур улы ГЫЙЗЗӘТУЛЛИН. Ул 1986 елда туган. Моңа кадәр “Агрофирма–Әгерҗе“ ширкәтендә директор урынбасары булып эшләгән. 

Район башлыгы урынбасары Ришат Нурисламов биш елдан артык райондагы иң зур җирлек белән җитәкчелек иткән Рафил Расим улына олы рәхмәтен белдерде.