“Сарсак-Омга“, “Наҗар“, Ямурзадан Сәхиповлар хуҗалыкларында сыерларга моноазык ашата башладылар

Әгерҗе районының “Сарсак-Омга“, “Наҗар“, Ямурзадан Сәхиповлар хуҗалыкларында сөт саву буенча республикада иң алдынгы урында баручы Кукмара районы үрнәгендә сыерларга моноазык ашата башладылар.

Моноазык – терлек өчен бөтен кирәкле компонентларны кушып әзерләнгән ризык ул. Аны ашаган сыер утыз килога кадәр сөт бирергә сәләтле, дип фаразлана.  

Өч хуҗалыкка Кукмарадан моноазыкны бу атнада алып кайттылар. Хәзергә ун сыер – күзәтүдә. Иң башта контроль савым уздырганнар. Өч көн саен сөт күләмен тикшереп баралар. 

Фото редакция архивыннан.