Авариядә яшь әни үлгән, аның нәни баласы имгәнгән

Башкортстанда авариядә 27 яшьлек хатын һәлак булган, аның яшь ярымлык улы имгәнгән. Бала хастаханәдә. Бу турыда «Башинформ» хәбәр итте.

Фаҗига бүген кичке бишләр тирәсендә Стәрлетамак районында була. 

Стәрлетамак-Федоровка юлының 33 нче километрында «ЗАЗ Chance» һәм «Chevrolet Cruze» бәрелешә. «ЗАЗ Chance» белән биредә яшәүче 27 яшьлек хатын-кыз, каршыга килә торган «Chevrolet Cruze» белән Стәрлетамакта яшәүче 29 яшьлек ир-ат идарә иткән. 

27 яшьлек хатын ашыгыч ярдәм килгәнче һәлак булган. Аның яшь ярымлык улын хастаханәгә алып киткәннәр. 29 яшьлек йөртүчене һәм аның хатынын да хастаханәгә салганнар, диелә хәбәрдә. 

Чыганак