Әгерҗе хәбәрләре
  • Рус Тат
  • Иренең мәетен зиратка алып барганда хатыны да һәлак булган

    Мистик хәл булган

    Иркутск өлкәсендә мәет салынган табутны зиратка илткәндә катафалк юл һәлакәтенә очраган. Машинада ирен җирләргә озата баручы хатын да үлгән. Бу турыда «Комсомольская правда» хәбәр итте.

    Юл һәлакәте 12 гыйнварда Усольский районында «Себер» трассасында була. Трассаның 1839 нчы километрында катафалк йөк машинасына бәрелә. «Похоронный кортеж» дип язылган «Газель» машинасы тимер өеменә әверелгән. «Газель» йөртүчесе — 38 яшьлек ир-ат урында ук үлгән. Мәетне озата баручы ике кеше дә һәлак булган. Салондагы тагын ике кеше имгәнгән. 

    «Комсомолка» ачыклаганча, катафалк 68 яшьлек ир-ат мәетен зиратка илтәргә чыга. Авариягә кадәр ике сәгать алдан аны самолет белән Кемероводан Иркутск шәһәренә китерәләр. Үләр алдыннан ул хатынына туган ягы — Иркутск өлкәсендә җирләргә әйтеп калдыра. 

    Хатын бер туганын алып, ирен озатырга китә. Шул чакта фаҗига була.

    Авария сәбәпләре ачыклана, диелә хәбәрдә

    Фото: https://www.instagram.com/gibdd.38

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: