Казанда 86 яшьлек бабай хыянәте өчен 72 яшьлек хатынын үтергән
Кызының үзеннән булмавын белгән
Татарстан тикшерүчеләре Казанда яшәүче 86 яшьлек иргә карата җинаять эше кузгатты. Ул хатынын үтерүдә гаепләнә. Бу хакта Россия Тикшерү комитетының төбәк буенча тикшерү идарәсе матбугат хезмәте хәбәр итә.
"Тикшерү версиясе буенча, ир белән хатын Толстой урамында урнашкан фатирда кәеф-сафа корып утырганнар. Кызган баштан 72 яшьлек хатын ир-атка кызының аныкы булмавын, аны башка ирдән табуын, ә ирнең оныгының әхлаксыз яшәү рәвеше алып баруы турында белдергән. Бу хәбәрдән соң ир-ат өстәлдә яткан пычакны ала да, хатынының күкрәгенә чәнчи, корбан алынган җәрәхәтләрдән урында ук үлгән", - ди тикшерүчеләр.
Җинаять кылганнан соң, ир үги малаена шалтыраткан, булган хәл турында хәбәр иткән һәм үз-үзенә кул салырга тырышкан. Шикләнелүче үз гаебен тулысынча таныган.
Хәзерге вакытта килеп чыккан хәлнең барлык шартлары ачыклана. Ирне сак астына алу мәсьәләсе хәл ителә. Җинаять эшен тикшерү дәвам итә.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев