Әгерҗе хәбәрләре
  • Рус Тат
  • Хатынын яклаган министрны кыйнап үтергәннәр

    Бер атна комада ята

    Амур өлкәсенең цифрлы үсеш министры Александр Курдюков 39 яшендә һәлак булган. Аның хатыны һәм ике баласы ятим калган. Ул әле күптән түгел генә министр итеп билгеләнгән. Бу турыда «Комсомольская правда» хәбәр итте.

    17 июльдә, шимбә көнне, министр гаиләсе белән турбазага ял итәргә бара. Һава торышы яхшы, гаилә су коена, кызына, бар да яхшы була. Кич белән исә Александрны кыйналган, башы имгәнгән, чигә сөяге сынган килеш табалар. 

    «КП» чыганагы белешмәсе буенча, министр турбазада ял итүче бер ит-ат белән талашкан. Ул ир-ат министрның хатынына артык игътибар иткән, аның белән шаяртмакчы булган. Ир-атлар сугышкан һәм Курдюков шул чакта комага киткән. 

    Министр бер атна комада ята, гаиләсе дә, хезмәттәшләре дә аның сәламәтләнүенә өметләнә. Тик 24 июльдә Александр Курдюков үлә.

    25 июльдә Амур өлкәсе губернаторы мәрхүмнең гаиләсенең кайгысын уртаклаша. Аннары прокуратура җинаять эше ачылу турында хәбәр итә. Җинаятьтә шикләнелүчене тоткарлыйлар.

    Россия Тикшерү комитетының Амур өлкәсе буенча Тикшерү идарәсе видеосында җинаятьтә шикләнелүче 39 яшьлек ир-ат күренә.

    «КП» сайтының үз чыганаклары белешмәсе буенча, ул спортчы, пауэрлифтинг белән шөгыльләнә.

    Фото: www.instagram.com/va.orlov

    Чыганак 

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: