Йөк машинасына бәрелгән автобуста унлап кеше имгәнгән (ВИДЕО)

Мәскәүнең көньяк-көнбатышында пассажирлар утырган автобус «Камаз» йөк машинасына бәрелгән. Башта ун кеше имгәнүе билгеле булды, аннары аларның саны унөчкә җитте. 50 яшьлек ир-атның хәле катлаулы дип бәяләнә. Аны вертолет белән хастаханәгә китергәннәр. Бу турыда «Вести» каналы хәбәр итте.

Боров шоссесыннан 750 нче маршрут буенча бара торган автобуста 30 кеше була. Автобус алдагы машинаны узарга чыккач, коммуналь хезмәтләр машинасына бәрелә. «Камаз» бераз сулга табарак күчәргә маташкан була.

Имгәнүчеләр арасында йөкле хатын һәм 16 яшьлек үсмер бар.

Башкала буенча транспорт департаменты авария сәбәпләренең берсе итеп юл эшләрен башкарганда иминлекне тәэмин итмәү дип атый.

Авариядән соң берничә сәгатькә юлда хәрәкәт тукталып торган. Хәзер йөк машинасы да, автобусны да башка җиргә алып киткәннәр. 

РЕН ТВ каналы хәбәр иткәнчә, автобус шактый нык җимерелгән. Аның уң ягы яньчелгән, ишекләре өзелгән.

Авариядән соң шаһитлар беренче ярдәм күрсәткән. Имгәнгән пассажирлар юлда ятып торган, диелә хәбәрдә. 

Чыганак: Интертат