Район башлыгының Ураза гаете белән котлавы
Хөрмәтле райондашлар! Сезне мөселманнарның иң изге бәйрәмнәренең берсе – Рамазан гаете көне белән чын күңелдән котлыйм.
Күңелләргә нур иңгән шатлыклы шушы мизгелләрне күпләрегез ай буе ураза тотып, намазларны калдырмыйча, вакытында укып барып каршы алганнардыр. Бу ай миһербанлык күрсәтү, фәкыйрь – мескеннәрнең хәленә керү, сәдака – ярдәмнәр өләшү ае да. Изге догаларын кат – кат кабатлап, ил – көннәргә иминлек, хәерле бәрәкәтләр теләп торучыларга изге ниятләребез барып ирешсен. Халыкны дин юлына якынайтучылар, имамлык итүче дин әһелләре, ислам динен төшендерүче ак яулыклы туташ – ханымнар, алдагы көннәрдә дә изге эшегездән тайпылмагыз.
Ураза бәйрәме белән ихластан тәбрикләп, һәр гаиләгә шатлык – куанычлар, аяз көннәр, тигезлек, һәркемгә тазалык, бәхетле озын гомер телим. Бәйрәм мөбарәк булсын!
Район башлыгы Валерий МАКАРОВ.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев