“Агро-Кама“да – яңа җитәкче

Наил Нәфыйк улы ӘХМӘТХАНОВ "Агро-Кама", "Агро-Перстиж", "Нәүрүз" ширкәтләре директоры итеп билгеләнде.

Наил Әхмәтханов - тумышы белән Арча районы Иске Ашыт авылыннан. 1981 елда Казан дәүләт педагогика институтын, 2005 елда Казан дәүләт авыл хуҗалыгы академиясен тәмамлаган. Хезмәт юлын туган авылы мәктәбендә физкультура укытучысы булып башлаган. Аннан соңгы елларда колхоз рәисе, "Тукай" совхоз-техникумы директоры һәм башка вазифаларда эшли. 2006 елдан - "Кризиска каршы идарәчеләр берлеге" оешмасының арбитраж идарәчесе.