Синең куллар, әнкәй

Әниләр көне уңаеннан "Әгерҗе хәбәрләре" газетасы әнә шул исемдә бәйге игълан иткән иде.
"Иң яхшы язмаларны редакциянең бүләге көтә" дип вәгъдә биргән идек. Редакциягә юлланган мәкаләләр барысы да күңелнең иң нечкә кылларын тибрәтерлек итеп язылган иде. Һәр язма авторына да зур рәхмәтебезне җиткерәбез. Тик бәйге җиңүчеләрсез булмый. I урынга Кичкетаңнан Рәмзия Җиһангәрәеваның "Синең куллар, әни" шигыре, II урынга Кадыбаштан Рәзилә Ясәвиеваның "Ул сөялле куллар", III урынга Кырындыдан Рәфинә Сабирҗанованың "Аның өе - гөлләр иле" исемле язмасы лаек дип табылды. Ихлас күңелдән котлыйбыз сезне. Бүләкләребез редакциядә көтә сезне.