Дума депутатлары – Әгерҗедә

Россия Дәүләт Думасы Депутаты Виктор Пешков узган атнада Әгерҗе районына эшлекле визит белән килде. Ул район җитәкчелеге белән очрашканнан соң, шәһәребездәге тимер юл вокзалы, "Имәнлек" ял зонасы, Боз сарае, яңа күпкатлы йортлар, төзелешләр белән танышты, Яңавыл янында чит илдән кайтартылган мөгезле эре терлек асрала торган мегаферманың эшен кызыксынып карады. Аннан соң Дума депутаты Әгерҗе гражданнарын кабул итте. Виктор Пешков аларның мөрәҗәгатьләрен игътибар белән тыңлап, якын арада җавап бирергә ышандырды.
×××
3 сентябрьдә Әгерҗегә тагын бер Дума депутаты килде. Тимур Акулов 4нче шәһәр мәктәбендә һәм 1нче гимназиядә өлкән сыйныфларда Парламент дәресләре үткәрде.