Фатирларны үзебез җылытачакбыз

Узган атнада районга ТРның Газлаштыру фонды генераль директоры Җәүдәт Миннәхмәтов килде. Район башлыгы Валерий Макаров белән эшлекле сөйләшү барышында сүз райондагы һәм шәһәрдәге күпкатлы йортлардагы фатирларга ике контурлы газ казаннары урнаштыру турында барды. Бу эш торакны шәхси җылытуга күчү буенча республика программасын тормышка ашыру кысаларында алып барылачак. Ике җитәкче арасындагы сөйләшү барышында ике елда шәһәрдәге барлык фатирларга ике контурлы казаннар урнаштыру бурычы куелды. Бу җылылык һәм кайнар су өчен бәяләрнең күпкә түбән булуын тәэмин итәчәк.