Инде хәбәр итүебезчә, 31 октябрь иртәсендә Мисырдан Россия туристларын алып кайтучы самолет һәлакәткә очрады. "Когалымавиа" авиакомпаниясенең Airbus A-321 самолеты Шарм-эш-Шейхтан очып киткәч, Синай ярымутравы өстендә радар экраннарыннан югала. Аннары самолет егылып төшкән урын да табыла. Һәлакәткә очраган самолетта 7 экипаж вәкиле һәм 217 пассажир булган, шуларның 17 - балалар.
Татарстанның Мәдәният министрлыгы хәбәр итүенчә, республикада 1 ноябрьгә планлаштырылган барлык күңел ачу чаралары үткәрелми яки башка көнгә күчерелә. Мәсәлән, "Пирамида" комплексында узарга тиешле «Resonance» симфоник оркестр концерты 4 ноябрьгә күчерелә. Г.Камал исемендәге театр да якшәмбе көнне күрсәтелергә тиеш "Мәхәббәт FM» спектакленең башка көнгә күчерелүе турында хәбәр итте.
Нет комментариев