Президент котлый

Россия Президенты Указы буенча 90, 95 һәм 100 яшь тулган сугыш һәм тыл ветераннарына Владимир Путинның котлаулары тапшырылачак.

Әгерҗедә шундый бүләкне иң беренче булып гомер буе тимер юл узелы хастаханәсендә хуҗалык эшләрен башкарган Анна Павлова алды. Район башлыгы Фәрит Габбасов 90 яшьлек юбилярны тәбрикләргә аның фатирына килде. Район җитәкчесе Анна Осиповнага Президент котлавын тапшырды, аның тормыш-көнкүреше белән танышты, кайбер проблемаларын хәл итүдә ярдәм итәчәген әйтте.