Чаллыда да сынатмадылар

Мари авылларында яшәүчеләр узган шимбәдә Чаллыда "Россия чаңгы юллары-2012" ярышларында катнаштылар.
Зәмһәрир салкыннар булуга карамастан, Чаллыдагы ярышлар быел да Татарстанның 129 меңнән артык спорт сөючесен чаңгы юлларына бастырды. Иң көчлеләр арасында Күләгәштән Виктор Ишпаев, Александр Семенов һәм Александр Изибаев та бар иде. Нәтиҗәләр буенча алар беренче унлыкка керделәр.
Мәктәп укучылары арасында гомуми стартта Пеләмештән Роман Михайлов һәм Кристина Михеева иң яхшы күрсәткечләргә ирештеләр. Ә өлкәннәр арасында "Пеләмеш" бүлекчәсе идарәчесе Эдуард Михайловка тиңнәр булмады. Күләгәштән Алексей Миликанов 4 урынга чыкты. Пеләмештән әтиле-уллы Валерий һәм Роман Альматовлар да беренче унлыкка керделәр.