Укучыларга хокукый ярдәм

ТР кеше хокуклары буенча вәкиленең Әгерҗе районы буенча ярдәмчесе Гомәр Шакиров, балигъ булмаганнар эшләре комиссиясе баш белгече Светлана Хәйретдинова, мәгариф идарәсенең баш белгече Сергей Мурзин, ТР юстиция министрлыгы белгече Айгөл Чураева үзәк китапханәдә 2нче мәктәпнең 8нче сыйныф укучылары өчен хокукый ярдәм дәресе үткәрделәр. Китапханә хезмәткәрләре "Синең хокукларың, яшүсмер" дигән темага китап күргәзмәсе белән таныштыргач, белгечләр укучыларга аларның хокуклары һәм бурычлары турында сөйләделәр, сорауларга җавап бирделәр. "Башка мәктәпләр укучылары белән мондый очрашулар киләчәктә дә дәвам итәчәк", - диде Гомәр Шакиров.