Cалкыннар көчәя
Бүген иртәнге якта, әйтик, Әгерҗенең янгын сүндерү вышкасындагы электрон табло минус 29 градус күрсәтә иде. Шәһәрнең аскы өлешендә яшәүчеләр термометрлардагы күрсәткеч минус 35 градуска җитте, диләр. Ә авылларда бу сан минус 30 градус булган. Шулай итеп, салкыннар көчәя. Бүген кайбер әти-әниләр балаларын мәктәпкә инде куркып кына озаттылар. Шәһәр мәктәпләренең башлангыч...
Бүген иртәнге якта, әйтик, Әгерҗенең янгын сүндерү вышкасындагы электрон табло минус 29 градус күрсәтә иде. Шәһәрнең аскы өлешендә яшәүчеләр термометрлардагы күрсәткеч минус 35 градуска җитте, диләр. Ә авылларда бу сан минус 30 градус булган.
Шулай итеп, салкыннар көчәя. Бүген кайбер әти-әниләр балаларын мәктәпкә инде куркып кына озаттылар. Шәһәр мәктәпләренең башлангыч сыйныфларына укучыларның 70 проценты килгән. Авыл мәктәпләрендә укучы балаларның яртысын мондый салкыннар да куркытмаган.
Медицинага килгәндә, хәлләр әлегә куркыныч түгел. Роспотребнадзорның территориаль бүлеге хезмәткәрләре хәбәр итүенчә, грипп белән авыру очраклары теркәлмәгән. Ашыгыч ярдәм бүлекчәсенә күпчелек ОРВИ, гипертония, йөрәк авырулары белән мөрәҗәгать итәләр, астма белән авыручылар саны да арткан. Сөенечкә, салкыннан туңучылар юк.
Районыбызга кагылышлы яңалыклар белән безнең Telegram-каналдан танышыгыз
Иң мөһим һәм кызыклы язмаларны Татмедиа Telegram-каналында укыгыз
