Әниләрне сөендерик
Бу якшәмбедә илебез Әниләр көнен билгеләп үтә. Әйдәгез, аларны сөендерергә ашыгыйк! Читтә яшәгәннәр дә, эш-мәшәкатьләрен читкә куеп, күчтәнәч-бүләкләрен алып әниләрен тәбрикләргә кайтсыннар иде. Алар исән чакта дөньядагы иң газиз, кадерле кешеләребезгә кадер-хөрмәтебез, җылы сүзебезне, назыбызны кызганмыйк. Әниләр - берәү генә һәм алар гына безне һәрчак аңлый белә. Кояшсыз гөлләр чәчәк...
Бу якшәмбедә илебез Әниләр көнен билгеләп үтә.
Әйдәгез, аларны сөендерергә ашыгыйк! Читтә яшәгәннәр дә, эш-мәшәкатьләрен читкә куеп, күчтәнәч-бүләкләрен алып әниләрен тәбрикләргә кайтсыннар иде. Алар исән чакта дөньядагы иң газиз, кадерле кешеләребезгә кадер-хөрмәтебез, җылы сүзебезне, назыбызны кызганмыйк. Әниләр - берәү генә һәм алар гына безне һәрчак аңлый белә. Кояшсыз гөлләр чәчәк атмаган, мәхәббәттән башка бәхет булмаган кебек анадан башка яшәү дә юк бит. Шуңа күрә бәйрәм көнендә әниләребез тәрәзәгә карап "газиз балам кайтмый микән, әнә, күршенекеләр кайтты бит" дип тилмереп көтмәсеннәр иде. Әниләргә ешрак кайтыйк!
Районыбызга кагылышлы яңалыклар белән безнең Telegram-каналдан танышыгыз
Иң мөһим һәм кызыклы язмаларны Татмедиа Telegram-каналында укыгыз
