Әгерҗедә ярминкә гөрли
Бүген Әгерҗенең Район мәдәният сарае каршындагы мәйданында бәйрәм алды ярминкәсе уза. Халык бик рәхәтләнеп "Агро-Кама" ширкәте тәкъдим итүче бәрәңгене 10 һәм 15 сумнан сатып ала. "Нәүрүз" ширкәте алып килгән дуңгыз ите янында да чират тезелгән. Фермерлар итне 250 сумнан саталар. Ә менә Көчектән Илнур Сәетов сугыш һәм хезмәт ветераннарына, сугыш...
Бүген Әгерҗенең Район мәдәният сарае каршындагы мәйданында бәйрәм алды ярминкәсе уза.
Халык бик рәхәтләнеп "Агро-Кама" ширкәте тәкъдим итүче бәрәңгене 10 һәм 15 сумнан сатып ала. "Нәүрүз" ширкәте алып килгән дуңгыз ите янында да чират тезелгән. Фермерлар итне 250 сумнан саталар. Ә менә Көчектән Илнур Сәетов сугыш һәм хезмәт ветераннарына, сугыш чоры балаларына иткә ташлама да ясый. Өлкәннәр аларның итен изге теләкләрен юллый-юллый бик рәхәтләнеп сатып ала.
Иж-Бубый эшмәкәрләре Трейдиннарның кәбестә үсентеләренә дә сорау зур. "Хәлим" фермерлык хуҗалыгы рулонын 300 сумнан печән тәкъдим итә. Ә черемәнең бер машинасына 3 мең сум сорыйлар. "Агрохимсервис" ширкәтеннән килосы 10 сумнан бодай, 8 сумнан солы, 9 сумнан арпа сатып алырга була. Ярминкәгә килүчеләрне районның үзешчән артистлары матур чыгышлары белән сөендәрәләр.
Районыбызга кагылышлы яңалыклар белән безнең Telegram-каналдан танышыгыз
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84