Иң каты куллы кызлар – Әгерҗедә
7-10 февральдә Мәскәү өлкәсе Раменское шәһәрендә Россия беренчелегенә яшүсмерләр арасында армспорт буенча бәйге булды. Анда Татарстан җыелма командасы составында Әгерҗенең каты куллы егет-кызлары да катнашты. 16 яшькә кадәргеләр арасында Тирсә авылыннан Әлмира Хәбибуллина пьедесталның иң югары баскычына күтәрелде. Ә 18 яшькә кадәргеләрдән Көчек кызы Миләүшә Гыймранова һәм Әгерҗедән Ләйсән Гобәева...
7-10 февральдә Мәскәү өлкәсе Раменское шәһәрендә Россия беренчелегенә яшүсмерләр арасында армспорт буенча бәйге булды.
Анда Татарстан җыелма командасы составында Әгерҗенең каты куллы егет-кызлары да катнашты. 16 яшькә кадәргеләр арасында Тирсә авылыннан Әлмира Хәбибуллина пьедесталның иң югары баскычына күтәрелде. Ә 18 яшькә кадәргеләрдән Көчек кызы Миләүшә Гыймранова һәм Әгерҗедән Ләйсән Гобәева II урын алдылар. Иж-Бубыйдан Раил Кәрәмиев - V, Әгерҗедән Алинә Ахунова VI урында. Татарстан җыелма командасы әлеге олы бәйгедә I һәм III урыннарны яулады. Бу уңышларда, әлбәттә, Әгерҗе спортчыларының да өлеше зур.
Ярыштан кайткач спортчыларыбызны бәйгегә әзерләгән тренерлары Сирень Галиуллин һәм Руслан Закиров тагын бер сөенечле хәбәр җиткерделәр: Ләйсән һәм Миләүшә май аенда Литвада узачак Европа беренчелегендә катнашачаклар.
Районыбызга кагылышлы яңалыклар белән безнең Telegram-каналдан танышыгыз
Иң мөһим һәм кызыклы язмаларны Татмедиа Telegram-каналында укыгыз
