Әгерҗе хәбәрләре
  • Рус Тат
  • Ишеттегезме әле?

    *** 1 январьдан Россиядә минималь хезмәт хакы күләме 13 процентка артты һәм ул 5205 сум булды. Димәк, кайда гына эшләсәгез дә, сезгә шушы суммадан кимрәк хезмәт хакы түләргә тиеш түгелләр. *** Яңа елдан куллану кәрҗине турындагы законга да үзгәрешләр кертелде. Хәзер бер кешегә еллык азык-төлек җыелмасы түбәндәгечә булырга тиеш: 126,5...

    ***

    1 январьдан Россиядә минималь хезмәт хакы күләме 13 процентка артты һәм ул 5205 сум булды. Димәк, кайда гына эшләсәгез дә, сезгә шушы суммадан кимрәк хезмәт хакы түләргә тиеш түгелләр.

    ***

    Яңа елдан куллану кәрҗине турындагы законга да үзгәрешләр кертелде. Хәзер бер кешегә еллык азык-төлек җыелмасы түбәндәгечә булырга тиеш:
    126,5 кг ипи, 100 кг бәрәңге, 60 кг җиләк-җимеш, 114 кг яшелчә, 58 кг ит, 18,5 кг балык, 290 л сөт, 210 йомырка.

    ***

    1 январьдан Ана капиталы да индексацияләнде һәм ул 5,5 процентка артты. Узган ел ул 387 мең сум булса, быел 408 сум булачак.

    ***

    1 январьдан гамәлгә кертелгән аракыга һәм сырага кагылышлы кануннар кайберәүләргә ошап бетмәс, мөгаен. Бер шешә аракының бәһасе 36 процентка - 125 сумнан 170 сумга кыйбатланды. Сырага килгәндә, аның 7 градустан катырагын 0,33 литрлы тараларда гына сату рөхсәт ителә. Сыраны төнге 11дән иртәнге 8гә кадәр сату тулысынча тыелды.
    Яңа елдан наркотик матдәләргә бәйле җәзалар да бермә-бер кырысланды.

    ***

    Ел дәвамында күңелгә бик ятышлы булмаган башка яңалыклар да көтә. Мәсәлән, машина йөртү таныклыгына имтихан биргәндә кагыйдәләр катгыйлана. Имтиханның теория өлешендә моңа кадәр 2 хата җибәрү рөхсәт ителсә, 1 февральдән дөрес түгел җавап өчен өстәмә биш сорауга җавап бирергә туры киләчәк.
    1 марттан торагыңны бушлай хосусыйлаштыру да тәмамлана.
    Быелдан паспорт, машина йөртү таныклыгы, медицина полисы, банк картасы кебек документларны берләштергән универсаль электрон карта булдыру да күз алдында тотыла.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: