Каты куллы егетләр – беренче!

Узган атнада Арчада авыл командалары арасында төрле спорт бәйгеләре буенча ТР чемпионаты узды. Районыбызның данлыклы каты куллы егетләре әлеге ярыштан зур җиңү белән кайттылар.
Үз үлчәү категорияләрендә Руслан Закиров, Ленар Хәйретдинов, Евгений Латифов - I, Айрат Сәетов - II, Илшат Иксанов - IV, Ринат Шабаев VI урыннарны алдылар. Ә 20 команда арасында егетләрнең беренчелеккә чыгулары сөенеч өстенә сөенеч булды. Алар 2010 елдагы зур җиңүләрен янә кабатладылар. Егетләрне ярышка тренерлары Сирень Галиуллин һәм Руслан Закиров әзерләделәр.