Үзе бәйрәм – балачак

1 июнь - Халыкара балаларны яклау көне чит гаиләләрдә тәрбияләнүче малай-кызларның хәтерендә озак сакланыр әле. Бу көнне Әгерҗенең сәнгать мәктәбендә иншалар, рәсемнәр, кул эшләре, фотосурәтләр бәйгеләрендә катнашкан балалар бүләкләргә ия булдылар. Аларны район башкарма комитеты җитәкчесе Фәнис Нуриев һәм башкарма комитетының эшләр белән идарә итүчесе Гомәр Шакиров тапшырды. Балалар сәнгать мәктәбе укучылары һәм "We Dance" бию коллективының чыгышларын карап та хозурландылар.