Һәр бозауның – үз куышы

Яңавылдан ерак түгел урнашкан мегафермада 285 чит ил танасы бозаулады инде. Бозаулар ике айга кадәр әнә шундый аерым "оя"ларда яшиләр. Һәр "оя" янында махсус катнашма һәм сөт, су салыр өчен савытлар урнаштырылган. Сөт сала торган савыт имү өчен җайлаштырылган хәтта. Әлегә бозауларны карау биш терлекче җаваплылыгында. Бозаулар саны арткач, тагын эшчеләр алачакбыз, ди мегаферма җитәкчелеге. Ә кечкенә бозауларны ике айдан соң башка бинага күчерәчәкләр.