Актанышта узган “Ел хатын-кызы“ бәйгесеннән әгерҗелеләр җиңүләр белән кайттылар

Кичә Актанышта “Ел хатын-кызы“, “Ел ир-аты: хатын-кыз күзлегеннән“ республика бәйгесенең зона туры узды. Анда Әгерҗе  районы данын төрле номинацияләрдә авыл хуҗалыгы тармагы ветераны Көмешай Хәбибуллина, Бима Мәдәният йорты мөдире Владимир Корнев, Әгерҗе тимер юл станциясе хезмәткәре Ольга Садыйкова, “Наз“ приюты директоры Гөлчәчәк Нигъмәтуллина якладылар. Бәйгедә барлыгы 8 район осталары катнашты.

Көмешай Хәбибуллина – “Өченче буын героинясы“, Ольга Садыйкова “Минем һөнәр – минем язмышым“ номинацияләрендә беренче урын яуладылар. Алар 7 мартта Казанда узачак йомгаклау этабында катнашачаклар.