Әгерҗе хәбәрләре

Әгерҗе районы

18+
Рус Тат
2024 - год Семьи
Бәла-каза

Буада яшәүче хатын хастаханәдә җәнҗал чыгарган

«Бала таптым, аны табиблар бирми»

Буа районында яшәүче 32 яшьлек хатын ике атна элек Республика клиник хастаханәсенә (РКБ) «бала тудыру йортына ятам», дип Казанга чыгып киткән. Ике атнадан соң ул ирен һәм кайнанасын хастаханәгә чакырган. Ул баланы табиблар бирми дип аңлаткан. Имеш, ул баланы тапкан, тик сабыйның хәле киткән һәм аны бала тудыру йортында калдырып торганнар. Бу турыда «Татар-информ» агентлыгы хәбәр итте.

Ире, хатынының сүзләренә ышана, ул куркуга кала, ачуы да чыга. Ир-ат Республика клиник хастаханәсенең бала тудыру йортының икенче терминалына килеп, үзенең яңа туган малаеның хәлен белешергә тели. 

«Безгә ир белән хатын, аның кайнанасы мөрәҗәгать итте. Хатын 18 февральдә безгә ятуын, 22 февральдә бала тудыруын, аннары хастаханәдән чыгуын әйтте. Имеш, баланың хәле начар булган һәм аны бирмәгәннәр. Без бөтен документларны, выпискаларны, журналларны тикшердек. Безнең бала тудыру йортында андый хатын булмаган», — дип аңлата Республика клиник хастаханәсенең Перинаталь үзәгенең кабул итү бүлеге җитәкчесе Булат Бегиев.

Буа районында яшәүче хатын исә «бала таптым» дип раславын дәвам итә. Имеш, «22 февральдә аңа кесарев кисеме ясаганнар, аның 4200 гр авырлыктагы малае туган».

«Хатынның туганнары сүзләренчә, ул ике атна элек бала тудыру йортына киткән. Баланың фотоларын күрсәтмәгән, имеш, аңа табиб рөхсәт итми, күз тияр дип курка. Хатын табибларның исемнәрен атый, тик андый кешеләр бездә эшләми. Без шиккә калдык, УЗИ ясарга тәкъдим иттек», — ди Республика клиник хастаханәсенең баш табибының акушерлык-гинекология ярдәме буенча урынбасары вазифаларын башкаручы Нигина Нигъмәтуллина.

Табиблар карагач, хатынның корсагында җөй булмавын ачыклый. УЗИ нәтиҗәләре буенча аның соңгы арада бала тапмавы, алай гына да түгел, авырлы да булмавы ачыклана, диелә бу хәбәрдә. 

Чыганак: Интертат

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев