“Әгерҗе хәбәрләре“ редакциясе коллективы Казан өчен тавыш бирде

2017 елда дөнья күрәчәк яңа акча символларына тавыш бирүдә Казан, Сочины өченче урынга төшереп, 4 октябрьдә янә беренче урынга күтәрелде.

Яңа купюраларда Казан Кремле һәм КФУның төп бинасын сурәтләүне хуплап, 340 меңннән артык кеше тавыш бирде инде. Тавыш бирү 7 октябрьгә кадәр дәвам итә. Әгәр син өлгермәгәнсең икән, твоя-россия.рф сайтына кереп тавышыңны бир.

Кичә, 4 октябрьдә, 600дән артык яшь әгерҗеле, үзәк мәйданга җыелып, әлеге бәйгене хуплап флешмоб уздырды. "Әгерҗе хәбәрләре" редакциясе коллективы да Казан өчен тавыш бирүен раслап, әлеге бәйгегә кушылды.