Әгерҗе хәбәрләре

Әгерҗе районы

18+
Рус Тат
2024 - год Семьи
Район тормышы

Халык сезгә ышана

Бу һөнәр ияләренең бәйрәмнәрдә беркайчан да хатыннары, балалары, якыннары, дуслары белән булганнары юк. Чөнки алар һәрвакыт көчәйтелгән режимда безнең тынычлыгыбызны, җәмәгать иминлеген саклыйлар. Әле ярый, елга бер тапкыр һөнәри бәйрәмнәре көнендә хатыннары, сөйгәннәре, хезмәттәшләре белән бергә бәйрәм итү мөмкинлеге бар. Сүзнең нинди һөнәр ияләре турында барганлыгын аңлагансыздыр инде. Күпләр күңеленә...

Бу һөнәр ияләренең бәйрәмнәрдә беркайчан да хатыннары, балалары, якыннары, дуслары белән булганнары юк. Чөнки алар һәрвакыт көчәйтелгән режимда безнең тынычлыгыбызны, җәмәгать иминлеген саклыйлар. Әле ярый, елга бер тапкыр һөнәри бәйрәмнәре көнендә хатыннары, сөйгәннәре, хезмәттәшләре белән бергә бәйрәм итү мөмкинлеге бар.
Сүзнең нинди һөнәр ияләре турында барганлыгын аңлагансыздыр инде. Күпләр күңеленә ул Милиция көне дип кереп калган. Ә хәзер 10 ноябрь Эчке эшләр органнары хезмәткәрләре көне дип атала. Быел полиция хезмәткәрләре һөнәри бәйрәмнәрен 91нче тапкыр билгеләп үттеләр.
Бу еллар дәвамында илдә нинди генә үзгәртеп корулар булса да, милициянең исемнәре алышынса да, эчке эшләр хезмәткәрләренең бурычы берүк калды: гражданнарның тынычлыгы сагында уяу тору, халыкның ышанычын аклау.
Полиция подполковнигы Азат Мусин җитәкләгән Әгерҗе эчке эшләр бүлеге хезмәткәрләрен һөнәри бәйрәмнәре белән район башкарма комитеты җитәкчесе Валерий Макаров та котлады. "Эчке эшләр хезмәткәрләренә беркайчан да җиңел булмады. Хәзер дә хезмәтегез бик җаваплы, тынгысыз, хәтта кайчак куркыныч та. Әмма ышанам: Әгерҗе полициясе хезмәткәрләре халык ышанычын югалтмаслар. Райондашларыбыз тыныч йокласын өчен хокук сагында һәрчак уяу торырлар. Ә район җитәкчелеге сезгә ярдәм итәргә һәрчак әзер. Һөнәри осталыгыгызны үстереп, погоннарыгызда йолдызларыгызның тагын да артуын телим", - дип бәйрәм хуҗаларына матур теләкләрен җиткерде.
Яшь хезмәттәшләрен котларга эчке эшләр бүлеге ветераннары советы рәисе, отставкадагы милиция полковнигы Фәрит Ваһапов та килгән иде. "Полициядә эшләү - бик зур җаваплылык, сабырлык, рух ныклыгы, физик әзерлек, вакыт белән исәпләшмәүне сорый торган хезмәт ул. Кеше сезгә иң авыр чакларда ярдәм өмет итеп мөрәҗәгать итә икән, аның ышанычын аклау, җинаятьчелекне киметү өчен үзеңне аямый эшләргә кирәк. Полициядә уңыш җиңел генә килми, аның өчен сездән һөнәри осталык һәм зур көрәш таләп ителә. Без, милиция ветераннары, сезгә киңәшләребез, бай тәҗрибәбез белән ярдәм итәргә әзер", - диде Фәрит Гобәевич.
Полиция хезмәткәрләрен тәбрикләргә "Форпост" берләшмәсе активистлары да килгән иде. Полициянең ярдәмчеләре арасында бу һөнәрне сайларга теләк белдерүчеләр дә бар. Валерий Макаров аларга юридик югары уку йортларына керергә юллама бирәчәкләрен әйтеп сөендерде.
Бәйрәмдә тынгысыз хезмәтләре белән бүләкләргә лаек булучыларга зур хөрмәт күрсәтелде. Әнә, майор Илфат Нигъмәтуллин һәм өлкән прапорщик Сергей Зуев Россия Эчке эшләр министрлыгының "Хезмәттә аеруча хезмәт күрсәткән өчен" I дәрәҗә медале белән бүләкләнделәр. Шундый ук медальнең III дәрәҗәдәгесенә Финарис Гәрәев, Валентина Долженкова, Ольга Костылева, Руслан Галиәскәров, Илназ Гатин, Юлия Мурина лаек булдылар. Бәйрәмдә тагын күп кенә лаеклыларга район башкарма комитеты җитәкчесенең һәм эчке эшләр бүлеге җитәкчелегенең Мактау грамоталары, Рәхмәт хатлары һәм кыйммәтле бүләкләр тапшырылды.
Полиция хезмәткәрләре хезмәт вазифасын үтәгәндә һәлак булган һәм мәрхүм ветеран хезмәттәшләрен дә бер минутлык тынлык белән искә алдылар.
Рәмзия ЗАРИПОВА.

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев