Әгерҗе хәбәрләре
  • Рус Тат
  • Депутат Әлфия Когогина Әгерҗе районында булган проблемаларны билгеләде

    Инициативаларга һәрьяклы ярдәм

    Төбәк атнасы кысаларында Дәүләт Думасы депутаты, Дәүләт Думасының Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина Татарстан Республикасының Әгерҗе районында булды.

    «Район җитәкчелеге белән территориянең социаль-икътисади үсешенең төп юнәлешләрен билгеләдек. Болар-транспорт-логистика үзәге булдыру, районда мәгариф һәм сәламәтлек саклау өлкәләрен үстерү мәсьәләләрен хәл итү һәм әгерҗелеләр алдында торган башка мәсьәләләр. Алга таба да минем округым районнары һәм шәһәрләре инициативаларына һәрьяклап ярдәм күрсәтәчәкмен», – диде ул.

    Депутат район активы алдында Дәүләт Думасының 2020 елдагы эше һәм 2021 елга төп планнар турында хисап белән чыгыш ясады. Аннан соң үзәк район хастаханәсе җитәкчелеге белән очрашу, оешманың агымдагы эше, диспансерлаштыруны үткәрүгә, мобиль поликлиниканың эшенә, коронавирус белән авыручыларны дарулар белән тәэмин итүгә кагылышлы сораулар һәм нәтиҗәләр белән танышу булды.

    Шулай ук визит барышында Әлфия Когогина «Талантлар салават күпере» балалар иҗаты йортында булды һәм капиталь ремонттан соң яңартылган сәнгать мәктәбе эше белән танышты.

    "Районда яшь талантларны үстерергә тиешле өстәмә белем бирү учреждениеләрендә мәйданнар җитмәү проблемасы бар. Тагын бер проблема -  искергән музыкаль инструментлар - без эшне дәвам итәбез. Узган ел кирәкле коралларның бер өлешен федераль акчалар хисабына сатып алу мөмкин булды. Татарстанның өстәмә белем бирү оешмаларына 2020 елда музыка уен коралларын яңарту өчен 106 миллион сум акча юнәлдерелде: 61 млн сумнан артык-федераль һәм 44 млн сумга якын – республика бюджетыннан», - дип хәбәр итте парламентарий.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: