Әгерҗе хәбәрләре
  • Рус Тат
  • Әгерҗедә 41 яшьлек хатын наркотикларның законсыз әйләнеше өчен хөкем ителде

    Үз гаебен тулысынча таныган

    Әгерҗе районы прокуратурасы Әгерҗе шәһәрендә яшәүче 41 яшьлек ханымга карата җинаять эше буенча дәүләт гаепләвен хуплады. Суд аны РФ Җинаять Кодексының 228 маддәсенең 2 өлешендә каралган җинаять кылуда (зур күләмдә наркотик чаралар сатып алу, саклауда) гаепле дип тапты.

    Судта хөкем ителүченең 2020 елның 13 мартында Удмурт Республикасының Кече Пурга районында билгесез заттан массасы 1,22 грамм булган наркотик чара сатып алуы ачыкланган. Шул ук көнне Әгерҗегә кайткач, ул полиция хезмәткәрләре тарафыннан тоткарлана. Наркотиклар законсыз әйләнештән алынган.

    Гаепләнүче үз гаебен тулысынча таныды.

    Суд аңа гомуми режимлы төзәтү колониясенә озатылып, 3 ел 6 айга ирекләреннән мәхрүм ителү җәзасын билгеләде.

    Хөкем карары законлы көченә кермәгән, дип хәбәр итә Әгерҗе районы прокуроры, юстиция өлкән киңәшчесе О. Н. Шуста.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: