Әгерҗедә "Хикмәт" чемпионаты узды
Анда 15 кеше катнашты
Балалар иҗат йорты базасында пенсионерлар һәм инвалидлар арасында компьютер белеме буенча "Хикмәт" республика чемпионатының беренче этабы узды. Чемпионатта 15 кеше катнашты.
Чараның максаты-мәгълүмати технологияләр өлкәсендә пенсионерлар һәм инвалидларның белем дәрәҗәсен күтәрү, компьютер белән идарә итү күнекмәләрен үстерү һәм мәгълүмати технологияләрне көндәлек тормышка кертү процессларын стимуллаштыру.
Чемпионатны уңышлы узу өчен әгерҗелеләргә компьютер техникасы нигезләрен белергә, Яндекс эзләү системасында, Электрон почта һәм Word һәм PowerPoint программалары, порталлар белән эшли белергә кирәк иде.
Катнашучыларга сәламләү сүзе белән район башкарма комитеты җитәкчесе урынбасары Рөстәм Шәрипов мөрәҗәгать итте.
- Бүген без чемпионатны район дәрәҗәсендә уздырабыз. Бу этапта җиңүчеләр район данын республика дәрәҗәсендә Казанда яклаячак. Сезгә барлык биремнәрне уңышлы үтүегезне һәм компьютер белән идарә итү күнекмәләрен тулысынча күрсәтүегезне телим, - диде ул.
Чемпионат нәтиҗәләре буенча Бердова Нина Анатольевна, Гыйниятова Галина Минивалиевна, Латыйпова Валентина Ивановна җиңүчеләр булдылар.
Районыбызга кагылышлы яңалыклар белән безнең Telegram-каналдан танышыгыз
Иң мөһим һәм кызыклы язмаларны Татмедиа Telegram-каналында укыгыз
