Ижауда эшлекле сөйләшү

Узган атнада район җитәкчелеге Ижау шәһәрендә Горький тимер юлы начальнигының Ижау регионы буенча урынбасары Александр Лапшин белән очрашты. Эшлекле әңгәмә барышында җитәкчеләр Әгерҗе тимер юл узелының үсеш перспективасы, Әгерҗе шәһәренең 75 еллык юбилеена хәзерлек мәсьәләләре, шәһәр халкын эш урыннары белән тәэмин итү турында сөйләштеләр. Киләчәктә кварталга бер тапкыр шәһәрдәге тимер юл предприятиеләре җитәкчеләре белән очрашып, Әгерҗе тормышындагы проблемаларны бергәләп хәл итү турында сөйләшергә килештеләр.