Шаршады авылы тирәсендә янгын чыккан

14 майда кичке сәгать 10нар тирәсендә Әгерҗе янгын сүндерү частена Шаршады авылы тирәсендә янгын чыгуы турында хәбәр алына. Коры үлән янган кырдан ут телләре авылга һәм урман массивына таба үрмәли. Моңа көчле җил дә нык тәэсир итә. Ут белән көрәштә “Брус“, “КамЛес“ оешмалары, Красный бор аучылык хуҗалыгы, эчке эшләр бүлеге һәм башка учреждение хезмәткәрләре катнашалар.

Якынча мәгълүматлар буенча, янгынның төп сәбәбе – кеше факторы. Тикшерү эшләре бара. Гаепләнүчеләр административ җаваплылыкка тартылачак.

МЧС хезмәткәрләре кисәтә: урман янгыннары буенча илдә хәл киеренке булып кала. Саклык чаралары турында онытмагыз!

Фото редакция архивыннан.