1 декабрьдән мәҗбүри медицина иминияте системасында үзгәрешләр була

Россиялеләр 1 декабрьдән ОМС – мәҗбүри медицина иминияте системасында исәпкә алуда үзгәрешләр белән очрашачак, дип сөйләде «Прайм» агентлыгына Г.В.Плеханов исемендәге Россия икътисад университетының дәүләт һәм муниципаль финанслар кафедрасы профессоры Юлия Финогенова. РИА Новости шул турыда яза, дип белдерде Татар-информ.

Эксперт сүзләренчә, яңалык пациентлар турындагы мәгълүматларны консолидацияләүгә, полис мәгълүматларын куллану мөмкинлеген тәэмин итүгә юнәлдерелгән. Бу чара документларны рәсмиләштерүне җиңеләйтәчәк һәм медицина учреждениеләре арасында мәгълүмат алмашуның нәтиҗәлелеген арттырачак. Профессор ассызыклаганча, балигъ булмаганнарны аерым категориягә чыгару планлаштырыла.

Финогенова өстәп әйткәнчә, электрон полисны кешеләр «Дәүләт хезмәтләре» порталы аша ала ала, ә 1 декабрьдән соң туган балаларга ул автомат рәвештә биреләчәк. Кәгазь полис турындагы мәгълүмат шулай ук ГИС ОМС системасында автоматик рәвештә чыгачак.

Эксперт билгеләп үткәнчә, 1 декабрьдән полис урынына россиялеләр шәхес таныклыгын күрсәтә алачак.