Әгерҗелеләр, өшүдән сак булыгыз

Яңа ел ялларында Әгерҗе район үзәк хастаханәсенең ашыгыч ярдәм бүлегенә нык туңу аркасында мөрәҗәгать итүчеләр берәү генә булган.

- Әлеге ир-атны хастаханәгә 5 январьда алып килдек, ул хәзер хирургия бүлегендә дәвалана, - ди ашыгыч ярдәм бүлеге өлкән фельдшеры Гөлфия Симакова.

Иртәгә синоптиклар кисәк кенә салкынаю фаразлый. Алар әйтүенчә, түбән урыннарда температура 30 градуска кадәр төшәчәк. Бүген көн җылы дип, кышкы көнгә ышанып, җиңелчә генә киенеп чыкмагыз. "Җылы сөяк сындырмый" дип юкка гына әйтмәгәннәр бит әби-бабайларыбыз.