ТР Сәламәтлек саклау министры урынбасары – Әгерҗедә
Район үзәк хастаханәләре эшчәнлеген контрольдә тоту, аларга ярдәм итү максатыннан ТР Сәламәтлек саклау министры һәр районга үзенең урынбасарларын билгеләде. Безнең районга Илдар Фатихов билгеләнде. Кичә Илдар Фатихов безнең районда булып китте. Ул үзәк хастаханә, поликлиника, акушерлык бүлеге, көндезге стационар эше белән якыннан танышты, һәр авыруның тарихын өйрәнде. СТ Сәламәтлек саклау...
Район үзәк хастаханәләре эшчәнлеген контрольдә тоту, аларга ярдәм итү максатыннан ТР Сәламәтлек саклау министры һәр районга үзенең урынбасарларын билгеләде.
Безнең районга Илдар Фатихов билгеләнде. Кичә Илдар Фатихов безнең районда булып китте. Ул үзәк хастаханә, поликлиника, акушерлык бүлеге, көндезге стационар эше белән якыннан танышты, һәр авыруның тарихын өйрәнде. СТ Сәламәтлек саклау министрлыгының төп бурычы - республикада, шул исәптән районнарда, үлем очракларын киметү. Шуңа Илдар Разинович авыруларны үлемгә китерүче чир төрләренә аерым тукталып, тирән анализ ясады. Ул Әгерҗе табиблары алдына үлем очракларын киметү, диспансеризация вакытында һәркемне җентекләп тикшереп, тиз арада Казан, Чаллы хастаханәләренә җибәрү бурычын куйды.
Киләчәктә мондый очрашулар квартал саен булачак.
- Уртак тырышлык белән ел ахырына үлем очракларын киметүгә ирешеребез дип ышанам, - диде министр урынбасары.
Районыбызга кагылышлы яңалыклар белән безнең Telegram-каналдан танышыгыз
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84
